平日大家听开蔡司，应该都係联想到佢嘅镜片同镜头有关。无错，蔡司一向致力于半导体、镜头镜片、医学等範畴，小记之前喺德国科隆嘅 Gamescom 见到蔡司 VR One 都有啲好奇，玩落又几好玩，所以番到嚟香港想再研究下。

是咁的，听个名都知佢係 Virtual Reality（虚拟实境），外形亦都好型仔同 cyber，但究竟蔡司出嘅 VR One 係乜东东黎呢？而 VR One 比其他牌子出嘅 VR 又有咩分别呢？蔡司 VR One 类似 Google 嘅 Cardboard，玩法都是配合智能电话使用，只要将电话装入 VR One 嘅固定架上，再开啓支援 VR 的应用程式便可进行游戏。暂时亦不乏支援 VR 的游戏，因此玩落都算 Okay。

VR One 配合智能电话使用，感受 360 度的神奇快感。

最值得提嘅係同 Parrot 合作嘅 Jumping Sumo 游戏，只要透过 Wi-Fi 连接电话及 Jumping Sumo，便可以透过 VR One 的视觉观看世界，仲要及靠整个人的郁动去控制 Jumping Sumo；这正正是我之前喺 Gamescom 被佢吸引的地方。一戴上 VR One，眼前只有 Jumping Sumo 的世界，向下望时，Jumping Sumo 会向前走；向上则向后退；整个身向左转，车就会左转 90 度，右转亦然。

呢个玩法生动有趣，加上互动性大，身体的郁动会影响 Jumping Sumo 的移动，口讲係咪好难联想到我眼入面嘅世界呢，以下有我之前喺德国试玩以及在《PCM》office 试玩嘅短片，希望俾大家感受一下我眼中嘅 VR One 有几过隠啦。

《PCM》office 试玩：

德国 Gamescom 精华：

整体嚟讲我觉得蔡司 VR One 係几吸引嘅，外型靓仔，又可以玩 VR。虽然 Google 嘅 Cardboard 都做到呢啲功能，但单单係用蔡司嘅 lens 都值得加分啦。只係要弹一弹暂时只有支援 Samsung Galaxy S5、S6、Google Nexus 5、LG G3 及 iPhone 6 使用的固定架，弹性较低。

唔讲唔知，原来 VR One 嘅诞生係有段故嘅，蔡司销售及市场总监章平达先生表示：「VR One 是公司的 side project，原先用在工业方面，让工业人员在狭窄的环境下用 VR 工作，反应好好所以决定推出市场。」所以我地有得玩全靠一班工业人员。

VR One 的前身是工业用的 Cinemizer。GV 在德国 Gmescom 看见的蔡司 booth，颇有惊喜。

价钱：VR ONE: $1580，VR ONE+Jumping Sumo套装：$2,480